ARKABIAko auditorioa Gasteizko jarduera sozialaren eta kulturalaren gune neuralgiko bihurtu da. Gaur egungo munduko joerak eta sormena elkartzen dira topaketa- eta truke-gune horretan. Bertan, musika, zinema, arte eszenikoak nahiz hitzaldiak eta eztabaidak ezagutu eta goza daitezke. 410 m² ditu, eta harmaila atzeragarriak 400 pertsona hartzeko aukera ematen du, eguneroko jarduera etengabea duen ingurune ireki, dinamiko eta moldakorrean.

ARKABIAra kultura eskaintzaz gozatzera hurbiltzen den bisitari orok atseden hartu eta aisialdiaz disfruta dezan pentsatutako lekua da ARKABIA Plaza. Eremu horren kokapenak eta tamainak, baita altzarien moldakortasunak ere, topaketa informalak edo formatu txikiagoko ekitaldiak egiteko aukera ematen du.

Neurogarapenaren alterazioak eta bestelako aniztasun funtzional edo psikosozialak dituzten haur eta helduentzat bereziki diseinatutako gunea da, gainkarga sentsoriala erregulatzeko eta antsietate edo ondoez emozionaleko egoerak kudeatzeko ingurune segurua behar izan dezaketenean. Zentzumen anitzeko gela gisa diseinatuta dago, haien beharretara egokitutako altzariekin. Edozein pertsonak ARKABIAko edukiez irisgarritasun eta inklusio-baldintzetan gozatu ahal izatea da gune honen helburu nagusia.

ARKABIAko hezkuntza-gela balio anitzeko espazio irisgarri eta moldagarri izan dadin sortu zen, eta tailerrak, familia-jarduerak, dinamika parte-hartzaileak eta gunearen programazioarekin nahiz erakusketekin lotutako beste zenbait hezkuntza-proposamen hartzeko pentsatuta dago. Duen diseinuak metodologia aktiboak, talde-lana eta askotariko publikoren parte-hartzea erraztea ahalbidetzen du, jarduera bakoitzaren beharren arabera espazioa eraldatzeko gai den antolaketa malgu baitu. Ikasgelak inklusiboa izatea sustatzen du, hainbat baliabideri esker, hala nola piktogramak, altuera doigarriko mahaiak, tamaina askotako aulkiak eta zoru biguneko eremua.